काठमाडौं, १८ असार:

काठमाडौं उपत्यकामा थप तीन जनामा हैजा पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौं उपत्यकामा थप तीन जनामा हैजा पुष्टि भएको हो ।

असार २ गतेदेखि १७ गतेसम्मको तथ्यांकअनुसार १७ जनामा पुष्टि भएको हो । हालसम्म काठमाडौंको बोहोराटार, बुढानीलकण्ठ, डिल्लीबजार, सानेपा, बागबजार लगायतका ठाउँमा हैजाको जिवाणु भेटिएको पुष्टि भएको छ ।

खेल पर्यटन प्राथमिकतामा रहन्छ : पर्यटन मन्त्री श्रेष्ठ :संस्कृति, पर्यटन तथा नागरिक उड्डयन मन्त्री जीवनराम श्रेष्ठले खेल पर्यटनको विकासका लागि प्राथमिक राखेर आफ्नो कार्यकाललाई उपलब्धिमूलक बनाउने प्रयास गर्ने बताएका छन् ।

नेपाल खेलकुद पत्रकार मञ्च (एनएसजेएफ)ले शनिबार आयोजना गरेको अन्तरक्रिया कार्यक्रमका अवसरमा मन्त्री श्रेष्ठले नेपालमा खेल पर्यटनको धेरै सम्भावना रहेको र आफ्नो कार्यकाल खेल पर्यटन विकासका लागि पनि केन्द्रित रहने बताएका हुन् ।

‘खेल क्षेत्रमा सरोकार राख्ने निकायमध्ये एक पर्यटन मन्त्रालय पनि हो । म आफैँ पनि पर्यटन र खेलकुदलाई जोड्नुपर्छ भन्ने व्यक्ति हुँ । हाम्रो देशमा खेल पर्यटनका धेरै सम्भावनाहरू पनि छन् र मेरो कार्यकाल त्यसको विकास लागि केही काम गर्नेछु,’मन्त्री श्रेष्ठले भने ।

विश्व खेलकुद पत्रकार दिवसका मञ्चले त्रिपुरेश्वरस्थित आफ्नै कार्यालयमा नेपालमा खेल पर्यटनको सम्भावना विषयमा अन्तरक्रिया आयोजना गरेको थियो । कोरोना भाइरसको महामारका समय खेल क्षेत्र जस्तै पर्यटनमा पनि ठूलो धक्का पुगेको र यसलाई छिट्टै पुनर्जीवित गर्न आफू लागि पर्ने मन्त्री श्रेष्ठको भनाइ छ ।

‘महामारीका समय अन्य क्षेत्रभन्दा पनि पर्यटनमा ठूलो क्षति पुग्यो । खेल क्षेत्रको अवस्थामा पनि उस्तै रह्यो । त्यसैले दुईलाई सँगै जोडेर अगाडि बढाउने काम गर्नेछु,’श्रेष्ठले भने, ‘खेल पर्यटनका विषयमा यसअघि पनि धेरै कार्यक्रम सरकारले ल्याएको छ । अब युवा तथा खेलकुद मन्त्रालयसँग समन्वय गरेर खेल पर्यटन विकासका लागि काम गर्नेछु ।’

नेपाल ओलम्पिक कमिटी (एनओसी) का अध्यक्षसमेत रहेका श्रेष्ठले खेल क्षेत्रकै माध्यमबाट राष्ट्रिय राजनीतिमा आफू परिचित भएकाले पर्यटन मन्त्रालयको जिम्मेवारी रहे पनि खेल विकास लागि समर्पित रहने विश्वास व्यक्त गरेका छन् । साहसिक खेल आयोजना र खेल समर्थकका माध्यमबाट पर्यटन विकासमा टेवा पुग्ने भएकाले यी क्षेत्रमा काम गर्न आवश्यक रहेको उनले औंल्याएका छन् । उक्त कार्यक्रमका अवसरमा मञ्चका अध्यक्ष दुर्गानाथ सुबेदी (देवेन्द्र)ले नवनियुक्त संस्कृति, पर्यटन तथा नागरिक उड्डयन मन्त्री श्रेष्ठलाई स्वागत तथा बधाई दिएका थिए ।

मञ्चका अध्यक्ष सुबेदी खेलकुद बुझेका व्यक्ति पर्यटन मन्त्रालयको नेतृत्वमा पुगेकोले खेल पर्यटन र त्यसका सम्भावनाका विषयमा थप अध्ययन हुन आवश्यक रहेको औंल्याए । एआइपिएस एसियाका कोषाध्यक्ष निरञ्जन राजवंशीले हरेक वर्षझैँ विश्वभरका पत्रकारले आज (जुलाई २) विश्व खेलकुद पत्रकार दिवस मनाएको उल्लेख गर्दै नेपालमा खेल पर्यटनको धेरै सम्भावना रहेको औंल्याए ।

‘हामीले धेरै पटक पर्यटनका निकायहरूलाई खेल पर्यटन विकासका लागि आग्रह गरेका थियौं । तर, त्यसतर्फ चासो भएन । यस पटक खेलकुदकर्मी नै त्यो जिम्मेवारीमा पुगेकाले खेल पर्यटनमा राम्रो काम हुनेछ भन्ने आशा गरेका छौं,’एआइपिएसका कोषाध्यक्ष राजवंशीले भने ।