काठमाडौं, असार १८ – काठमाडौंमा एक जना युवक मृत युवकमा फेला परेका छन्।

शनिबार बिहान काठमाडौं महानगरपालिका-३ तिलिङगेटारस्थित होण्डाइ कम्पनीको सटरमा सोही कम्पनीमा काम गर्ने युवक मृत अवस्थामा फेला परेका हुन्।

नुवाकोट मेघाङ गाउँपालिका-६ घर भएका २४ वर्षीय आशिष तामाङ छन्। उनी कोठाभित्र सुतिरहेकै अवस्थामा मृत फेला परेको प्रहरी वृत्त महाराजगन्जका प्रहरी नायब उपरीक्षक विष्टले बताए।

प्रहरीले थप अनुसन्धान गरिरहेको छ। उनको शव पोष्टमर्टमको लागि टिचिङ लगिएको छ। पोष्टमर्टमपछि घटनाबारे थाहा हुने प्रहरी नायब उपरीक्षक विष्टले बताए।

मोटरसाइकल दुर्घटना हुँदा चालकको मृत्यु

ललितपुरमा मोटरसाइकल दुर्घटना हुँदा एक जनाको मृत्यु भएको छ। शनिबार बिहान ललितपुर महानगरपालिका-१५ थसिखेल चोकमा मोटरसाइकल दुर्घटनामा परेको हो।

बागमती प्रदेश ०२-०३४ प ०७५८ नम्बरको मोटरसाइकल अनियन्त्रित भई दुर्घटना हुँदा चालकको मृत्यु भएको प्रहरीले जनाएको छ। मृतक महालक्ष्मी नगरपालिका-१० लामाटार बस्ने ४४ वर्षीय चन्द्रबहादुर स्याङतान छन्।