मुम्बई । बलिउड अभिनेता जोन अब्राहमले नेपाली दर्शकलाई एक अनुरोध गरेका छन् । जोनले उनको चलचित्र ‘मुम्बई सागा’ हलमा गएर हेरिदिन रिक्वेस्ट गरेका हुन् । सामाजिक सञ्जालमा एउटा भिडियो पोस्ट गर्दै उनले यस्तो अनुरोध गरेका हुन् ।

जोनले भनेका छन्, “नेपालका सबैलाई मेरो चलचित्र ‘मुम्बई सागा’ गएर हेरिदिन आग्रह गर्दछु । जुन मार्च १९ (भोलि) मा रिलिज हुँदै छ । यो ठूलो पर्दाका लागि बनेको चलचित्र हो । त्यसैले हलमा गएर यो चलचित्र हेरी मनोरञ्जन लिनुहोला । सबैमा मेरो प्रणाम ।” ट्रेलर हेर्नुहोस्

सञ्जय गुप्ताको निर्देशन रहेको यो एउटा एक्सन क्राइम जनराको चलचित्र हो । जसमा अभिनेता जोन अब्राहम र इमरान हासमी मुख्य भूमिकामा देखिनेछन् । चलचित्रमा जोन अन्डरवर्ल्ड डनको भूमिकामा र इमरान प्रहरी अधिकारीको भूमिकामा देखिनेछन् ।

यो पनी पढ्नुहोस्ः गायन रियालिटी शो ‘द भ्वाइस अफ नेपाल’को तेस्रो सिजन आजदेखि..गायन रियालिटी शो ‘द भ्वाइस अफ नेपाल’को तेस्रो सिजन आजदेखि सुरु हुने भएको छ । यो सिजनको प्रतिस्पर्धामा १ सय २० जना प्रतियोगीले भाग लिँदै छन् । यो प्रतियोगिताको डिजिटल अडिसनमा ४० हजार जनाले आवेदन दिएको कार्यक्रम निर्देशक लक्ष्मण पौडेलले जानकारी दिए । ४० हजारबाट छानिएका १ सय २० जनाले शो को ब्लाइन्ड अडिसनमा भाग लिने छन् ।

ब्लाइन्ड अडिसनबाट हरेक कोचले छानेका १२÷१२ जना प्रतिस्पर्धीले ब्याटल राउन्डमा प्रतिस्पर्धा गर्नेछन् । शो को कोचका रुपमा दीप श्रेष्ठ, प्रमोद खरेल, राजु लामा र तृष्णा गुरुङ रहेका छन् । यसअघि कोच रहेकी आस्था राउतको ठाउँमा गुरुङको इन्ट्री भएको हो ।