एजेन्सी – चीनका एक दम्पतिले आफ्नो छोरालाई ‘स्टेरोइड क्रीम’ लगाइदिएका थिए। उक्त क्रीमले उनीहरुको छोरालाई यस्तो असर गर्योकि उ क्रमश मोटो हुँदै गयो। छोरा बेलुन जस्तै फुलेको देखेर उक्त दम्पति आत्तियो। तर, के कारणले ह्वात्तै मोटायो भन्ने कुरा उनीहरुले थाहा पाउन भने सकेनन्।

केहि महिना सम्म उनीहरुले छोरालाई क्रीम लगाउने कार्यलाई निरन्तरता नै दिए। छोरा दिनप्रतिदिन बेलुन जस्तै फुल्दै गएपछि उनीहरु अस्पताल पनि गए। त्यहाँ डाक्टरहरुले विभिन्न जाँच गर्दा पनि उनीहरुको छोरा किन बेलुन जस्तै फुलिरहेछ थाहा हुन सकेन।

बालकलाई आमाको दुध बाहेक अन्य केहि अनि खुवाउने गरिएको थिएन। उनीहरुले बालककी आमाको दुधमा केहि तत्व छ कि भनेर जाँच समेत गरे। तर, कुनै पनि तथ्य पत्ता लाग्न सकेन।

समय बित्दै जाँदा उनीहरुको छोराको अनुहारमा कपाल पनि पलाउन थाल्यो। अवस्था थप बिग्रिएपछि स्थानीय अस्पतालले बालकलाई अर्को ठूलो अस्पतालमा रेफर गर्यो। रेफर गरिएको अस्पतालमा त्यस किसिममा समस्या बोकेर अन्य व्यक्तिहरु पनि आइसकेका थिए।